Innehåll #10 2018

Ko đivdipe nane rikverc! Sead Šerifi - Seja
E redaktoresoro lafi
Romani buti! Đi keda ka čera amen jekh jekhestar pođande? Avdije but pharo te arakhe duj Romen ki akija dunjaja kola so isi oljen isto razmišljanje, idea, teoria... ko kratko, jekh jekhese te oven piko. O materializmi hem o “superstar selebriti” suno čerela te ulava amen. Soj pošukar? Parni hem šuži bori da Ii kalji hem bučarni bori? O Đemailji da Ii o Erđani? O Roma avena kotar India da Ii kotar Egipat?
Sar phenela pe "pravilno" avioni da Ii ujradžali? O ulavibe, o inati hem i ljubomora čaljačeri o kalo vilo!
lsi Roma kola so bešena ko zoralje stolice (čitin: pare), ama umesto te pomožinen okoljen so mangena te čeren disavo šukaripe, odola "zoralje manuša” dikhena te ruminen o šukar plania, projektia... lsi "Roma" (čitin: profesoria, lektoria, etnologia, romologia...) ano poklo čher NA vačerena Romane, ama odoljese ičerena prezentacie, čerena konferencie aškalo Romani čhib hem čerena sa te ruminen o šukar plania, projektia... lsi Roma (čitin: superstar aktivistia) ikljona ki jabandijsko media hem fordena čalumi kobor baro respekt isi oljen maškaro o Roma, vačerena savo šukaripe mange- na te čeren e Romenđe, mothovena o sastankia e politiéarencar ko iuksuzna hotelia... Ama, NIKED... ama, BAŠ NIKED odola "superstar aktivistia” NA alje amencar te čheljen fudbal, NA ikljislje amencar ki kafa, NA pođije amencar ko bijav, NA blejinđe amencar račate ki mahala handoj suncokret hem čerindoj diskusia Barca vs. Real Madrid...
Đi keda ka ova esavke?

Alo o vakti te čhiva kapako ko akava projekti. O Magazin Ram 10 tano paluno broj kova so publicirinaja. Sose? Na, nane sebepi i ekonomia. Najpharo ando sa maje ked valjani te vičinav ki redakcia hem te dav oljenđe deadline ko artiklia. Nek oven saste sarine, ama andre ki duša osetinđum man sar disavo diktator. Ma te bistra, so o Magazin Rom tano jekh volontersko projekti hem so sarine pisinđe sa badihava, bizo pare. Đi akana nisavo problemi na hine amen. Sarine hine maksimalno aktivna ko pisibe, ki korektura, ki nevi idea...

O prvo broj publicirindam hine 1. Decembar 2015, a o paluno 1. Mart 2018. Ko akala trin berš, e manušen kotar redakcia resljum skoro sarinen po jekhvar, samo e Emrane pana niked. Akaljeja mangava te phenav so akava projekti nane čerdo me tetkare hem kakosere čhavencar, nego e manušencar kola so čače mangena te ačhaven disavo šukaripe palo peste. Ko kratko, o Magazin Rom hem i volontersko redakcia éhivde peéati ki Romani historia! Oven saste sarine tumen so podijekhvar bičhalđen slike hem artiklia. A, jekh specialno hem o najbaro "OVEN SASTE” đala đi ko llija, đi ki Brima, đi ko Dennis, đi ko Mirsad hem đi ko Emran.

O publiciribe čhinavaja, ama i internet strana www.magazinrom.com pana ka egzistirini ko internet. Sar koj mangela hem ked mangela šaj te khuvel ki internet strana hem te čitinel bilo kova broj kotar Magazin Rom.

Pana akava paluno drom, mangava te phenav oven saste sarine tumen so verno pratinđen amen. Ko bersa so avena anglo amende, mangava sarinend‘e but baht hem sastipe, ama hem pobari sloga te ovel amen maskaro amende.


Ko akava broj:

Modersmål – Läroplan för grundskolan, Skolverket

O Roma ko Dujto Baro Maribe

Romano Turniri

Amare vasta Brima Gudinci

Evropa Dennis A. Demirovic

Sarma Mirsad Sherifi

Romana Dive

Da li đanđa so…? Sead Šerifi - Seja

Romani ajgara Sead Šerifi - Seja

Dajakiri čhib – Plani hem programi ki romani čhib, Edukativino instituti

Läs Magazin Rom

Publicerad: 2018-04-10

Köp Magazin Rom (Nedlagd)
Läs mer om Magazin Rom (Nedlagd) i katalogen
Fler artiklar knutna till Magazin Rom (Nedlagd)
Fler tidskrifter i kategori NEDLAGDA